İnklüziv təhsil sahəsində bacarıqlarının artırılmasına dair seminar keçirilib

08.10.2018

İnklüziv təhsil sahəsində bacarıqlarının artırılmasına dair seminar keçirilib

Heydər Əliyev Fondunun “Regional İnkişaf” İctimai Birliyi (RİİB) Avropa İttifaqının dəstəyi ilə həyata keçirdiyi “Müəllimlərin inklüziv təhsil sahəsində bacarıqlarının artırılması” layihəsi çərçivəsində oktyabrın 9-da seminar təşkil edib.

Tədbirdə inklüziv təhsil sahəsində müəllim hazırlığı və ixtisasartırma proqramlarının, tədris vəsaitlərinin hazırlanması ilə bağlı yaradılmış işçi qrupunun üzvləri iştirak ediblər.

Bu ilin may ayından başlanan və 28 ay ərzində davam edəcək layihə çərçivəsində Bakı şəhəri, Quba, Şəki, Cəlilabad, Ağcabədi və Şamaxı rayonlarında inklüziv təhsil sahəsində müəllimlərin tədris imkanlarının və pedaqoji resurslarının təkmilləşdirilməsi nəzərdə tutulur. Layihədən orta ümumtəhsil məktəblərində çalışan 1000-dən çox ibtidai sinif müəllimi, eləcə də pedoqoji universitetlərdə təhsil alan 2000-dən çox tələbə faydalanacaq.

Seminarda beynəlxalq ekspert Marieke Stevens inklüziv təhsil və müəllimlərin peşəkar inkişafının konseptual çərçivəsi, eləcə də layihənin müəllim hazırlığı sahəsində strateji yanaşması və gələcək fəaliyyət istiqamətləri barədə məlumat verib.

Eyni zamanda beynəlxalq ekspert Marieke Stevensin iştirakı ilə inklüziv təhsil inkişafına dair strateji planın hazırlanmasına başlanılıb. Layihənin icra strategiyasının ilkin variantı, təhsil və müəllimlərin peşəkar inkişaf məsələləri Təhsil Nazirliyinin müvafiq strukturlarının rəhbərləri ilə görüşdə müzakirə olunub.

Qeyd edək ki, layihə çərçivəsində inklüziv təhsil üzrə modullar hazırlanaraq ilkin pedaqoji, eyni zamanda ixtisasartırma təhsilinin standartlarına inteqrasiya edilməsi, bu sahədə qanunvericiliyin BMT-nin Uşaq hüquqları haqqında Konvensiyaya uyğunlaşdırılması ilə bağlı təkliflərin, müvafiq tədris vəsaitlərinin hazırlanması, Azərbaycan Dövlət Pedaqoji Universiteti və onun filiallarında 6 İnklüziv Resurs Mərkəzinin yaradılması nəzərdə tutulur. Bu mərkəzlər müəllim və tələbələrin inklüziv təhsil sahəsində bilik və bacarıqlarının artırılması, ictimaiyyətin maarifləndirilməsi istiqamətində daimi fəaliyyət göstərəcək.

Ötən müddət ərzində layihə komandası tərəfindən inklüziv təhsil sahəsində ehtiyacların və gələcək fəaliyyətlərin müəyyən edilməsi məqsədilə aidiyyəti qurumlarla müzakirələr aparılıb, regionlarda inklüziv təhsil sahəsində mövcud resurslar və müxtəlif hədəf qrupları (ekspertlər, valideynlər, müəllimlər və tələbələr) arasında sorğular keçirilərək onların bilik və məlumatlılıq səviyyələri qiymətləndirilib. Regionlarda fəaliyyətin əlaqələndirilməsi məqsədilə seçilmiş koordinator və təlimçilər üçün Təhsil Nazirliyinin tabeliyində olan Təhsil İşçilərinin Peşəkar İnkişafı İnstitutu ilə birgə inklüziv siniflərdə təlimin təşkilinə dair seminarlar keçirilib.

Digər Xəbərlər

05.02.2020

“İnklüziv təhsildə universal dizayn” mövzusunda kiçik layihələr müsabiqəsi

“Regional İnkişaf” İctimai Birliyi tərəfindən Avropa İttifaqının maliyyə dəstəyi ilə icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində “İnklüziv təhsildə universal dizayn” mövzusunda kiçik layihələr müsabiqəsi elan olunur.

02.02.2020

"Müəllimlərin inklüziv təhsil sahəsində bacarıqlarının artırılması" layihəsi çərçivəsində Portuqaliya Respublikasına təlim səfəri təşkil olunub.

Avropa İttifaqının maliyyə dəstəyi ilə "Regional İnkişaf" İctimai Birliyi tərəfindən həyata keçirilən "Müəllimlərin inklüziv təhsil sahəsində bacarıqlarının artırılması" layihəsi çərçivəsində 20-23 yanvar tarixlərində Azərbaycan Dövlət Pedaqoji Universitetinin bir qrup müəllim heyətinin və layihə əməkdaşlarının Portuqaliya Respublikasına təlim səfəri təşkil olunub.

08.01.2020

Ceyhun Bayramov inklüziv təhsillə bağlı əmr imzaladı

Təhsil naziri Ceyhun Bayramov “İbtidai təhsil səviyyəsi üzrə inklüziv təhsilin tətbiqi” layihəsinin ümumi orta təhsil səviyyəsi üzrə davamlılığının təmin edilməsi barədə əmr imzalayıb.

24.12.2019

Şamaxı rayonunda məktəb direktorlarına inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində Azərbaycan Respublikası Təhsil Nazirliyi ilə əməkdaşlıq əsasında məktəb direktorlarına inklüziv təhsil mövzusunda təlimlər Şamaxıda yekunlaşıb.

24.12.2019

"İnklüziv təhsil" mövzusunda tədbir

24 dekabr 2019-cu il tarixində Azərbaycan Dövlət Pedaqoji Universitetinin Şamaxı filialının tələbələrinin iştirakı ilə inklüziv təhsil mövzusunda tədbir keçirilib.

23.12.2019

Şəkidə məktəb direktorlarına inklüziv təhsil mövzusunda təlimlər

18.12.2019

Ağcabədi və Cəlilabadda məktəb direktorlarına inklüziv təhsil mövzusunda təlimlər

10.12.2019

Qubada məktəb direktorlarına inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində Azərbaycan Respublikası Təhsil Nazirliyi ilə əməkdaşlıq əsasında dekabr ayından etibarən məktəb direktorlarına inklüziv təhsil mövzusunda təlimlərə başlanılıb.

03.12.2019

Azərbaycan Dövlət Pedaqoji Universitetinin 4-cü və 5-ci kurs tələbələrinə inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi (RİİB) tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində noyabr ayından etibarən, Azərbaycan Dövlət Pedaqoji Universitetinin 4-cü və 5-ci kurs tələbələrinə inklüziv təhsil mövzusunda təlimlərə başlanılıb.

02.12.2019

Heydər Əliyev Mərkəzində Beynəlxalq Əlillər Gününə həsr olunmuş tədbir keçirilib

Heydər Əliyev Fondunun “Regional İnkişaf” İctimai Birliyinin təşkilatçılığı, Heydər Əliyev Fondu, Avropa İttifaqı (Aİ), BMT-nin Uşaq Fondu, BMT-nin İnkişaf Proqramı, Təhsil Nazirliyi və Əmək və Əhalinin Sosial Müdafiəsi Nazirliyinin dəstəyi ilə Heydər Əliyev Mərkəzində 3 dekabr - Beynəlxalq Əlillər Gününə həsr olunmuş tədbir keçirilib.