Bakıda “Fərqliyik, bərabərik” adlı filmin təqdimatı olub

06.12.2018

Bakıda “Fərqliyik, bərabərik” adlı filmin təqdimatı olub

Beynəlxalq Əlillər Günü münasibətilə Avropa İttifaqı (Aİ) Birləşmiş Millətlər Təşkilatının İnkişaf Proqramı (UNDP), UNICEF, Heydər Əliyev Fondunun “Regional İnkişaf” İctimai Birliyi və ASAN Radio ilə birgə əməkdaşlıqla “Fərqliyik, bərabərik” adlı film hazırlayıb.

Dekabrın 7-də “Fərqliyik, bərabərik” adlı filmin təqdimatı keçirilib.

Tədbirin moderatoru olan ASAN Radio-nun direktoru Emin Musəvi bildirib ki, əlillərə və xüsusi qayğıya ehtiyacı olan insanları təkcə bir gün deyil, daim diqqət mərkəzində saxlamaq çox vacibdir. Layihə barədə məlumat verən Emin Musəvi deyib ki, 12 dəqiqəlik filmdə layihə tərəfdaşları əlilliyi olan şəxslərin inklüziv cəmiyyətin üzvləri hesab edilməli olduğunu, cəmiyyətin bütün üzvlərinin eyni hüquq və imkanlara malik olduğunu və digərləri ilə birgə təhsil ala biləcəyini vurğulamaq istəyirlər. O, inklüzivliyin cəmiyyətdə vacib rolunu xüsusi vurğulayıb.

Aİ-nin Azərbaycandakı nümayəndəsi Kestutis Yankauskas çıxışında deyib ki, bu gün əsas diqqət mərkəzində olan məsələ inklüziv təhsildir. Səfir UNICEF-in də dəstəklədiyi “Azərbaycanda inklüziv təhsilin genişləndirilməsi”, Birləşmiş Millətlər Təşkilatının İnkişaf Proqramı tərəfindən “Ənənəvi incəsənət vasitəsilə inklüziv təhsilin təşviqi” və “Regional İnkişaf” İB tərəfindən “Müəllimlərin inklüziv təhsil sahəsində bacarıqlarının artırılması” layihələrini qeyd edib.

BMT-nin İnkişaf Proqramının rezident nümayəndəsinin səlahiyyətlərini icra edən Alessandro Frakassetti bildirdi ki, UNDP bu layihənin reallaşdırılmasına böyük sərmayə yatırıb və gələn il bu sərmayəni daha da artırmaq fikrindədir. Dünyada 5,5 milyon əlilliyi olan insan var. Bizim hər birimiz bu işdə dəstək olmalıyıq.

UNICEF-in Azərbaycandakı nümayəndəliyinin rəhbəri Edvard Karvardin qeyd edib ki, sağlamlıq imkanları məhdud insanlar bizimlə bərabər hüquqlara malikdir. Onlar bizim cəmiyyətimizin bir hissəsidir. UNICEF olaraq Azərbaycanda bu istiqamətdə layihələri dəstəkləməkdən qürur duyuruq.

Heydər Əliyev Fondunun “Regional İnkişaf” İctimai Birliyinin nümayəndəsi Cəmil Əliyev deyib ki, hazırda İctimai Birlik tərəfindən ölkəmizdə müəllimlərin inklüziv təhsil sahəsində bacarıqlarının artırılması istiqamətində layihə reallaşdırılır. Azərbaycanda dörd məktəbdə inklüziv təhsil modeli pilot layihə həyata keçirilir.

Sonra tədbir iştirakçıları “Fərqliyik, bərabərik” adlı filmə baxıblar.

Filmin rejissoru fiziki qüsurlu Etibar Məmmədovdur.

Digər Xəbərlər

05.02.2020

“İnklüziv təhsildə universal dizayn” mövzusunda kiçik layihələr müsabiqəsi

“Regional İnkişaf” İctimai Birliyi tərəfindən Avropa İttifaqının maliyyə dəstəyi ilə icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində “İnklüziv təhsildə universal dizayn” mövzusunda kiçik layihələr müsabiqəsi elan olunur.

02.02.2020

"Müəllimlərin inklüziv təhsil sahəsində bacarıqlarının artırılması" layihəsi çərçivəsində Portuqaliya Respublikasına təlim səfəri təşkil olunub.

Avropa İttifaqının maliyyə dəstəyi ilə "Regional İnkişaf" İctimai Birliyi tərəfindən həyata keçirilən "Müəllimlərin inklüziv təhsil sahəsində bacarıqlarının artırılması" layihəsi çərçivəsində 20-23 yanvar tarixlərində Azərbaycan Dövlət Pedaqoji Universitetinin bir qrup müəllim heyətinin və layihə əməkdaşlarının Portuqaliya Respublikasına təlim səfəri təşkil olunub.

08.01.2020

Ceyhun Bayramov inklüziv təhsillə bağlı əmr imzaladı

Təhsil naziri Ceyhun Bayramov “İbtidai təhsil səviyyəsi üzrə inklüziv təhsilin tətbiqi” layihəsinin ümumi orta təhsil səviyyəsi üzrə davamlılığının təmin edilməsi barədə əmr imzalayıb.

24.12.2019

Şamaxı rayonunda məktəb direktorlarına inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində Azərbaycan Respublikası Təhsil Nazirliyi ilə əməkdaşlıq əsasında məktəb direktorlarına inklüziv təhsil mövzusunda təlimlər Şamaxıda yekunlaşıb.

24.12.2019

"İnklüziv təhsil" mövzusunda tədbir

24 dekabr 2019-cu il tarixində Azərbaycan Dövlət Pedaqoji Universitetinin Şamaxı filialının tələbələrinin iştirakı ilə inklüziv təhsil mövzusunda tədbir keçirilib.

23.12.2019

Şəkidə məktəb direktorlarına inklüziv təhsil mövzusunda təlimlər

18.12.2019

Ağcabədi və Cəlilabadda məktəb direktorlarına inklüziv təhsil mövzusunda təlimlər

10.12.2019

Qubada məktəb direktorlarına inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində Azərbaycan Respublikası Təhsil Nazirliyi ilə əməkdaşlıq əsasında dekabr ayından etibarən məktəb direktorlarına inklüziv təhsil mövzusunda təlimlərə başlanılıb.

03.12.2019

Azərbaycan Dövlət Pedaqoji Universitetinin 4-cü və 5-ci kurs tələbələrinə inklüziv təhsil mövzusunda təlimlər

Avropa İttifaqının maliyyə dəstəyi ilə “Regional İnkişaf” İctimai Birliyi (RİİB) tərəfindən icra olunan “Müəllimlərin inklüziv təhsil sahəsində bacarıqlarının artırılması” layihəsi çərçivəsində noyabr ayından etibarən, Azərbaycan Dövlət Pedaqoji Universitetinin 4-cü və 5-ci kurs tələbələrinə inklüziv təhsil mövzusunda təlimlərə başlanılıb.

02.12.2019

Heydər Əliyev Mərkəzində Beynəlxalq Əlillər Gününə həsr olunmuş tədbir keçirilib

Heydər Əliyev Fondunun “Regional İnkişaf” İctimai Birliyinin təşkilatçılığı, Heydər Əliyev Fondu, Avropa İttifaqı (Aİ), BMT-nin Uşaq Fondu, BMT-nin İnkişaf Proqramı, Təhsil Nazirliyi və Əmək və Əhalinin Sosial Müdafiəsi Nazirliyinin dəstəyi ilə Heydər Əliyev Mərkəzində 3 dekabr - Beynəlxalq Əlillər Gününə həsr olunmuş tədbir keçirilib.