Azərbaycan inklüziv təhsilə keçdikdən sonra, əlilliyi olan uşaqların əksər hallarda digər həmyaşıdları ilə birgə ümumi təhsil siniflərində eyni milli kurikulum üzrə təhsil alması və öyrənməsi gözlənilir. Zaman keçdikcə, inklüziv məktəblərə daxil olan əlilliyi olan uşaqların sayı artacaq, xüsusi təhsil məktəblərinə yazılan uşaqların sayı isə azalacaq. İnklüziv məktəblərə və müəllimlərə bütün uşaqlar üçün yüksək keyfiyyətli təhsilin təmin edilməsində dəstək göstərilməlidir. İnklüziv təhsil çərçivəsində xüsusi pedaqoqların təcrübəsindən ən yaxşı şəkildə faydalanmaq üçün onların rolunun nəzərdən keçirilməsi tələb olunur.